盈苑海鮮酒家

营业中

休息中

好耐冇食過中餐，今日約咗朋友去土瓜灣附近，見到呢一間酒樓做緊優惠，六樣優惠菜式可以揀其中一樣，片皮鴨都只不過係$100左右。北京片皮鴨片皮鴨最緊要就係個鴨皮夠脆，然後包住嗰一塊皮夠薄。佢哋依兩樣嘢都做得好好，而且仲好貼心，皮同皮之間隔住一張紙，唔會黐埋一舊。上湯澳洲龍蝦伊麵配蒜蓉粉絲蒸元貝龍蝦伊麵好有驚喜，龍蝦份量好夠，而且蝦肉好鮮甜，而佢嘅上湯伊麵調味都啱啱好，唔會過鹹，仲有少少芝士味。豐料養生燉湯燉湯材料好多，有猴頭菇、肉等等，好似飲緊住家湯咁，飲完個胃好舒服。