麺屋武蔵 (MOKO新世紀廣場) (已結業)

记得上次经过面屋武藏睇到外卖自取有优惠，一个套餐有主食、小食和饮品都只系五十几蚊，前日约左上朋友旺角屋企做Project，就上去MOKO买外卖拎返屋企开餐，真系方便又抵食，仲唔怕疫情会感染。 餐厅装修比较有格调，大玩日本武士元素，等左大约15分钟就可以取餐，今次叫左叉烧沾汁面（黑武骨）、鲭鱼豚角日式四格便当，小食拣左煎饺子和炸鸡，仲有2罐汽水。 第一次食沾面原来口感系咁好，咬落烟烟韧韧口感好丰富，配埋黑蒜味猪骨汤够晒香浓，食完都唔会口干。 日式的鲭鱼豚角便当每款食物放一格，同朋友share每样都可以试少少，份量唔会太多女仔最钟意，鲭鱼煎得够香仲有少少鱼油渗出嚟，豚角多油脂入口溶化。 而小食饺子煎得香脆有肉汁，炸鸡肉配沙律酱食得津津有味。