詩嘉小廚 (已結業)

呢間雙餸飯餐廳幾出名，行過大角咀順便去買幾盒淨餸。每盒$25都幾抵。6點左右去到餸菜選擇幾多，唔少都係啱啱煮起。試咗炸雞翼、粟米魚柳、炆豬手、欖菜豆角、咖喱雞。炸雞翼一份都七隻大大隻。新鮮炸起雞皮仲脆脆地，經典椒鹽口味，雞肉冇雪味。粟米魚柳啲魚柳大嚿又薄粉，份量都幾多。芡汁有少少粟米粒🌽好滑。豬手幾入味，炆得又夠腍。欖菜炒豆角味道夠濃，啲肉碎炒得香。咖喱雞係港式口味，多雞肉少薯仔🥔，味道幾香唔會辣。