中國冰室 (已結業)

最近得知「中國冰室」做到2019年尾就結業，今天出去旺角就作最後支持。幫襯咗廿幾年，都係第一次要排隊等食！係咪要執笠先至有人去幫襯！入到去人頭湧湧，樓下坐滿人；要上樓上閣樓坐(都係第一次坐樓上)。一心想食紅豆刨冰同义燒三文治，點知兩樣都賣晒！惟有食其他嘢！等咗好耐都未有嘢食，見阿姐做到好燥都唔敢煩佢！過咗廿分鐘，終於有得食。食到5點幾，影咗幾張之後，都係時候說再見喇！哎呀，竟然食到佢地落埋閘！又少一間舊式茶餐廳！