Vienna Mix (已結業)

边个话系铜锣湾区食晏只可以挨贵lunch？ 想悭钱嘅话唔食「南X粉面」同茶餐厅， 仲可以食咩？ 睇line today发现左有间意粉专门店—「Vienna Mix」原来隐蔽系糖街嘅角落， 标榜大份又抵食， 所以作为贫穷神嘅小编梗系唔会放过啦！ 每日都有是日特价套餐，仲包埋饮品， 跟套餐仲以优惠价$5，换购是日沙律一杯， 咦，都唔差㖞！😜 唔啱食仲有皇牌意粉或饭类添～ 由于店舖不大， 所以推祟外卖， 外卖自取仲减$2， 预先打黎order定再自取都得，完全唔洗等，正！👍🏾 得一个钟食饭时间就系要咁悭啦！😂 不过是日小编唔赶返工，所以就拣左堂食。🙊 法式烧春鸡半只杂菜火腿芝士汁扁意粉（$41） 哗，半只烧春鸡斤两十足！😯 春鸡外皮烧得微脆， 整只鸡都几厚肉，肉质嫩滑唔会太嚡口， 杂菜和火腿都几足料， 可以增加意粉嘅层次感和中和一下肉嘅腻感， 至于芝士汁浓稠得黎都几「芝」味， 但略嫌太少，令意粉有点dry，有待改善。 不过呢到系无港式奶茶饮， 只有台式嘅姜母奶茶， 不过姜味几特出，又唔会感觉到辣， 甜甜地，几好饮，值得一试！😏 整体来说， $40嘅午餐有半只鸡，有意粉，仲包饮品，简直超值