芝士屋 (已結業)

芝士屋同蒜头屋系同一个老细呢件事我好多年之前已经知道, 所以佢地两间野既餐牌基本上无咩分别呢期分别去左两间店度食lunch, 果然系同一个老板, 大失所望！唔知系唔系顶左手比人呢, 点解同3年前既质素差左咁远既?????3年前我食既意粉, 种类好有风味, 又真系好好味, 卖相好, 够特别, 唔算好贵！但而家既意粉一d味都无, 我都未试过食几个款既意粉可以全部都无味, 最后我要狂加七味粉！清淡如水！仲有d款式呢, 越好食果d就越唔卖！3年前有白汁墨鱼意粉同埋原只鱿鱼意粉1年之前有辣汁猪柳意粉同埋猪肉生姜烧意粉都非常好食！而家得返哂d无谓包装咖哩饭, 同埋d烧骨同埋吞拿鱼酱果d意粉, 仲要一d味都无啰！而家得返最好食既系肉酱焗薯意粉, 因为果pet沙律酱系有味的！我希望呢间店个老细睇到呢d留言呢，就反省一下！再系咁样落去系唔会有客返转头架！质素越来越差！以为自己有名气就得架啦咩? 有名气而又做得差, 咪就系臭名远播之嘛！辣汁猪柳意粉, 永别啦。