影片
更多
2014-07-09
7148 浏览
因为父亲大人生日，公主我要做下孝顺女，所以特登上openrice睇下有咩好介绍～见到Bostonian竟然有半价set dinner coupon，于是拿拿声打电话book位～book完问妈妈先知搞错日子=_=于是又拿拿声打去改早日子，好彩唔full，改得到！但我问如有人生日有咩送，个姐姐话「唔好意思，我地无。」其实你响个甜品碟上写Happy Birthday或插支蜡烛有几难呢？呢下扣咗啲分！ 到今日去食喇，一去到个环境真系好有情调（连影出嚟嘅相都好暗～）但原来无coupon都有半价？早讲啦！先嚟面包（个人觉得最好食系右边嘅黑水榄面包，好香黑水榄味又松软 ）再嚟介绍下头盘：精选生蚝或龙虾带子汤爸爸妈妈拣咗汤，我拣咗生蚝个龙虾汤好浓，好有鲜味亦有好香嘅忌廉味，但又唔会互相抢味（连爸爸都话好）个生蚝系Fine de Claire，食第一只时竟然有好重铁锈味？但之后果几只就无喇，蚝味唔算浓但都算新鲜。不过因为海水味唔重而且感觉干身，所以我怀疑系冲咗水同开定放咗响度。（扣啲分啦）然后主菜：鹅肝牛柳/西冷或烤鸡我系牛柳要5成熟，但嚟到时半件系5成熟，半件系9成熟=_=而且portion细过爸
见到Bostonian竟然有半价set dinner coupon，于是拿拿声打电话book位～
book完问妈妈先知搞错日子=_=于是又拿拿声打去改早日子，好彩唔full，改得到！
但我问如有人生日有咩送，个姐姐话「唔好意思，我地无。」
其实你响个甜品碟上写Happy Birthday或插支蜡烛有几难呢？呢下扣咗啲分！
到今日去食喇，一去到个环境真系好有情调（连影出嚟嘅相都好暗～）
但原来无coupon都有半价？早讲啦！
先嚟面包（个人觉得最好食系右边嘅黑水榄面包，好香黑水榄味又松软 ）
再嚟介绍下头盘：精选生蚝或龙虾带子汤
爸爸妈妈拣咗汤，我拣咗生蚝个龙虾汤好浓，好有鲜味亦有好香嘅忌廉味，但又唔会互相抢味（连爸爸都话好）
个生蚝系Fine de Claire，食第一只时竟然有好重铁锈味？
但之后果几只就无喇，蚝味唔算浓但都算新鲜。
不过因为海水味唔重而且感觉干身，所以我怀疑系冲咗水同开定放咗响度。（扣啲分啦）
然后主菜：鹅肝牛柳/西冷或烤鸡
我系牛柳要5成熟，但嚟到时半件系5成熟，半件系9成熟=_=而且portion细过爸爸嘅西冷一半
虽然系咁，但佢件牛嘅炭香味好正～
而5成熟位置亦好冧同好juicy（但得半件系咁啰）
爸爸嘅西冷真系5成，亦有好香炭火味～
可是，说好了的野菌呢？
妈妈嘅烤鸡亦系半件得，半件唔得
鸡胸位有啲干，鸡皮亦冧～
但鸡脾位好正，真正皮脆肉滑
免费任食嘅松露薯条只有好香芝士而无松露味
妈妈问侍应点样任添薯条，其实问嚟多余，因为一定食唔晒！
到最后甜品系心太软伴云喱拿雪糕
个心太软嘅朱古力味好香浓，食得出佢个dark chocolate系靓料可惜嘅系上枱时已经唔热唔流心，浪费咗咁好嘅朱古力！
不过个雪糕好正，望到又食得出新鲜云喱拿籽嘅香味，可惜系细件咗啲
粒红莓酸到爆，但爸爸妈妈都话好味
唔好问我隔离果碌棍系咩，完全食唔出系咩嚟！
总括而言，环境气氛唔错，如果隔离枱班呀婵唔系咁嘈，真系几有情调～
但！如无半价，唔系几抵食（或者a la carte会好啲）
张贴
