影片
更多
2011-01-03
14 浏览
有位朋友 1 月头生日，特意提早为佢庆祝，顺便贺圣诞！我亦预备咗小礼物送给几位朋友，令佢哋既开心又惊喜！起初，我以电话 book 位，店员话只可 book 6：30 或 8：30 ，因为其他时段已经 full 哂；唯有 book 定 6：30 ，我哋赶唔切 6：30 到，最早到嘅朋友都要 6：50 ，我叫朋友攞定枱，而我继续等其他朋友。店员话我 book 张枱已经无咗，要重新攞筹再排过，大家足足等咗半个钟！仲提醒入座起计限食两个钟。听完之后，未食已经觉得有点赶！ 等位期间，睇见有大闸蟹套餐。令我哋更肚饿！事不宜迟，马上落单！我哋叫咗 6 样嘢！不过无叫到大闸蟹。呢度地方唔算大，幸好有卡位座，唔会挤迫！店内有不少黑白怀旧相，增添一点怀旧味道！食物尚未送到，侍应先递上一碟花生作为小吃，亦为我哋酙茶。服务态度尚算不错！反应够快！镇江肴肉 $48最先上枱正是呢碟小食，卖相不错！令我食指带动！相信做法相当繁复！猪蹄肉跟啫喱状嘅冻混合一起，层次分明！可惜食起嚟肉质有点实绷绷！虚有其表！ 肴肉不太有肉味，可能被啫喱冻部分鲜甜味掩盖！蘸埋镇江醋，可增添风味！其实，唔系好多地方做得好！反而，我觉得霞飞
起初，我以电话 book 位，店员话只可 book 6：30 或 8：30 ，因为其他时段已经 full 哂；唯有 book 定 6：30 ，我哋赶唔切 6：30 到，最早到嘅朋友都要 6：50 ，我叫朋友攞定枱，而我继续等其他朋友。店员话我 book 张枱已经无咗，要重新攞筹再排过，大家足足等咗半个钟！仲提醒入座起计限食两个钟。听完之后，未食已经觉得有点赶！
等位期间，睇见有大闸蟹套餐。令我哋更肚饿！
事不宜迟，马上落单！我哋叫咗 6 样嘢！不过无叫到大闸蟹。
呢度地方唔算大，幸好有卡位座，唔会挤迫！店内有不少黑白怀旧相，增添一点怀旧味道！食物尚未送到，侍应先递上一碟花生作为小吃，亦为我哋酙茶。服务态度尚算不错！反应够快！
镇江肴肉 $48
最先上枱正是呢碟小食，卖相不错！令我食指带动！相信做法相当繁复！猪蹄肉跟啫喱状嘅冻混合一起，层次分明！可惜食起嚟肉质有点实绷绷！虚有其表！ 肴肉不太有肉味，可能被啫喱冻部分鲜甜味掩盖！蘸埋镇江醋，可增添风味！其实，唔系好多地方做得好！反而，我觉得霞飞做得唔错！
我的食评 - 「霞飞」，可比较一下！
http://www.openrice.com/restaurant/commentdetail.htm?commentid=2130673
鲜菜肉小笼包 $28
王家沙嘅小笼包有 3 款：招牌蟹粉小笼包 $48、苏式鲜肉小笼包及鲜菜肉小笼包，同样$28，当中招牌蟹粉小笼包最为受欢迎！ 朋友拣了呢款鲜菜肉小笼包，感觉无咁 heavy ！呢度嘅小笼包卖相一般，每粒大小不一，加上葱粒作辨认。有4 粒，一人一粒！要做到皮又薄又靓，并非容易！搓皮、折皮、每一个工序要控制恰当。皮尚算薄，筷子夹著都无穿；馅料比例肉多过白菜，肉够新鲜，肉汁鲜美而且够多！
鲜肉锅贴 $28
另一选择为咖哩鲜肉锅贴，不过，我哋有一半唔食得辣。鲜肉锅贴皮薄馅靓，皮折得够精细，似乎每一折系一样阔度，皮煎得刚好，食起嚟有点脆；用上半肥瘦猪肉新鲜，只要一咬开锅贴皮，肉汁即时流出来！确实不错！
鲜荳板菠菜 $46
以菠菜、荳板 (即剥咗壳嘅新鲜蚕豆 ) 及蒜片一起炒，最后洒上金华火腿丝，相当得体！未食已经嗅到香味！ 通常食到嘅菠菜系腍身！呢度落咗好多油快炒菠菜，保持翠绿！还带一点嚼劲！值得一赞！荳板软身够入味。呢道菜虽然清淡，但系油咗少少！之前，帮衬中环宁波旅港同乡会，食过豆瓣苋菜，同样不错！
我的食评 - 宁波旅港同乡会
http://www.openrice.com/restaurant/commentdetail.htm?commentid=2107647
上海话梅骨 $68
平时食惯糖醋排骨，一试话梅骨，感觉清新！味道跟糖醋排骨一样酸酸甜甜，话梅汁令人几开胃！略嫌唔太够汁！排骨份量唔少！又够入味，带点肥肉，容易入口！用来伴饭系一流之选！
健康炒饭 $52
炒饭种类另有：家乡金腿上海炒饭 $52 及阔佬炒饭 $58。健康炒饭系我嘅选择！以白米、红米、蛋白、菜芯茎切片、粟米、崧子为材料！颜色夺目！ 令我好惊喜！红米几难控制，煮得够熟又无爆开，有赵头；加上粟米、崧子，十分有口感！蛋白代替蛋黄，比较健康！明符其实系一道健康炒饭。
无疑！上菜速度快，食咗一个钟已到尾声，侍应问我哋食物到齐未？回答已到齐，随即收餐具及餐纸，确实有点赶客！食完想坐耐啲都唔得！
张贴
