問亞囡午餐想食啲咩！佢竟然答我想食米線🍜，喺長洲要特登搵間米線鋪真係俾左個難題我！行左兩條街終於見到有間米線鋪啦,阿女話個霓虹燈招牌好靚！仲話要影張相添！
入到去睇左個餐牌阿女就揀左酸湯湯底！問左個店員話係南瓜做湯底再加咗啲酸菜！所以個湯係黃金色！有輕微少少辣架~ 我就揀咗個麻辣湯底，加左肥牛，海帶，木耳絲！亞女大讚個酸湯湯底好好味~
有少少微辣啦~酸酸地好開胃~第一次見亞囡超級大讚！！因為阿女平時係唔食辣架~所以我都有啲意外驚喜！我個麻辣湯底夠濃味 👍👍
我仲買左店員推介自家製辣菜脯同埋酸菜買返屋企配麵食一流呀
