更多
2015-08-23
680 浏览
架车要拎去验要去九龙城一转，放低架车之后，行行下有个小朋友企喺一间餐厅门口，同我讲姐姐你同我爸爸间餐厅一样咁靓，当时个心即刻甜一甜，然后我望入餐厅里面，睇到好多画同埋好特别嘅摆设，所以决定揾日试下先。决定星期日夜晚去试，一入餐厅，又见到果个小朋友，欢迎光临咁多位靓女，真系未食都开心。接住有一位小姐拎餐牌俾我哋睇，本住试一试嘅心态叫咗一个西瓜沙律，一食，哗！超级多汁吖。配合火箭菜同水牛芝士，真系超级特别。之后我哋叫咗羊架、三色焗蚝、黑松露意粉、pizza，食到我哋哗哗声，不论卖相定味道，真心俾100分。加上价钱合理，又冇加一，服务又好，真系冇谂过今时今日香港有一间咁特色又平又好食嘅西餐厅。由于食得太饱食唔落甜品，所以决定下次一定要再嚟试一试。从来唔会写食评嘅我，真系好想同大家分享呢间咁好食嘅餐厅。
架车要拎去验要去九龙城一转，放低架车之后，行行下有个小朋友企喺一间餐厅门口，同我讲姐姐你同我爸爸间餐厅一样咁靓，当时个心即刻甜一甜，然后我望入餐厅里面，睇到好多画同埋好特别嘅摆设，所以决定揾日试下先。
决定星期日夜晚去试，一入餐厅，又见到果个小朋友，欢迎光临咁多位靓女，真系未食都开心。接住有一位小姐拎餐牌俾我哋睇，本住试一试嘅心态叫咗一个西瓜沙律，一食，哗！超级多汁吖。配合火箭菜同水牛芝士，真系超级特别。之后我哋叫咗羊架、三色焗蚝、黑松露意粉、pizza，食到我哋哗哗声，不论卖相定味道，真心俾100分。加上价钱合理，又冇加一，服务又好，真系冇谂过今时今日香港有一间咁特色又平又好食嘅西餐厅。
由于食得太饱食唔落甜品，所以决定下次一定要再嚟试一试。从来唔会写食评嘅我，真系好想同大家分享呢间咁好食嘅餐厅。
张贴