原點 (已結業)

同朋友食完晚飯再去搵甜品食，先發現原來元朗少咗好多港式甜品，想中、西式甜品都有嘅鋪頭得返幾間，岩好附近搵到有呢一間，就走入去，食甜品都係至在可以同朋友坐多陣，傾多陣計，所以呢間都算幾好坐，人唔多，唔會趕人走。麻薯窩夫 $50配料揀咗紅豆，窩夫口味揀咗抹茶、雪糕就曲奇味，個窩夫加咗麻薯，所以幾煙韌幾好咬，抹茶味就正正常常。不過佢擺得幾靚，份量都幾大份。伯爵茶心太軟朱古力味嘅心太軟就食得多，伯爵茶味嘅都係第一次見，個味又幾好食，流出嚟既伯爵茶醬應該加咗白朱古力，甜甜地！