珍妮曲奇 (已搬遷) 新店位置

(呢篇唔系食评，纯粹分享排队经验，最后都买唔到曲奇，好可惜)朝早七点几到达，店内已有职员准备，而店外有几十人排队。听到排头位o既人话凌晨四点几已经黎到商场门口排，等到商场开门时就入店舖门口排队。 排既人有好多都系内地游客，有D仲带埋大o急黎扫货。店员后来开放店舖隔离o既后楼梯俾人排队，呢个时候先发现原来有唔止几十人，系有接近一百人（我一路行一路数住）！由二楼排到一楼，由一楼排到地面，地面环境非常恶劣，后楼梯o既出口系一条充满垃圾o既后巷，加上当日落雨，垃圾味经过发酵，味道真系好臭，最后排左阵队都系忍唔住要走，放弃左。排队排到落后巷，要闻住垃圾咁排系意料之外o既事，不过相信Jenny Bakery开放后楼梯俾人排队已经系比较好o既安排吧... 因为如果俾人排o系商场一定会阻住其他店舖做生意。下次要买都系再早D起身，或者避开新年时间买吧。