牧羊少年咖啡館 (白楊街)

营业中

休息中

同朋友食生日饭，佢突然好想食返牧羊少年，就去返多年前去过嘅本店食饭。入去见到新装修好靓，但有少少唔认得，记得以前会请嘉宾分享旅游大小事，唔知而家仲有冇呢。鲜忌廉黑松露酱杂菌长通粉（$78加一）上枱睇落好似有D寡，但食落黑松露酱味道几香浓，调味唔错。香煎加拿大保湿猪鞍配苹果泥（$158加一）猪鞍肉质软嫩，切开仲有少少粉红，非常juicy，可惜有少少咸，不过点返清新酸甜嘅苹果泥都算可以平衡，呢个推荐！京都春日（草莓窝夫配云呢拿雪糕，$108加一）个窝夫即叫即整，外脆内软，士多啤梨唔酸，几好食。