影片
更多
2024-05-01
254 浏览
仲好记得以前同朋友一食西餐就会拣去食cafe，依间餐厅仲系以前旧位置时成日都要排长龙，自从搬左新铺就好耐都无食过，早几日同朋友约食饭去重拾回忆估唔到搬咗新铺之后依然保持水准，更比以前提升左之余，份量亦都相当大份，我哋叫咗个主菜、意粉、两个甜品再加一杯嘢饮一齐食烧原只黑松露春鸡配薯条一送到上枱，忍唔住哗一声，份量非常大份，将我只手拼埋落只碟度相等于巨型尺寸嘅春鸡，鸡皮外层系满满黑松露，用刀切开𠮶时听到外皮酥脆声，鸡肉入口软熟刚刚好，再连埋外皮一齐食带微微酥脆感，而且仲锁到肉汁，两重口感惹味又够香! 旁边嘅薯条亦炸得非常香脆，愈食愈停唔到口🤣鸡肉冬荫忌廉烩扁意粉鸡肉腌过再煎至金黄色，入口相当软熟，外层煎得干身口感微脆，但食落系软熟肉味香浓，不得不赞过冬阴功忌廉汁Creamy食到阵阵嘅冬阴功辣味香，大少少酸又带少少辣，扁意粉口感爽滑弹牙，拌埋个汁一齐食真系冇得输，私心必点推介🥰士多啤梨麻糬配士多啤梨雪糕梳乎厘班戟食完个主菜同意粉已经有七成饱，但系食甜品系第二个胃，卖相好吸睛，梳乎厘班戟口感软绵，蛋香味好重，连埋烟靭嘅麻糬皮一齐食几得意!朱古力Oreo特浓5.0牛乳软雪糕芭菲餐厅招牌嘅牛乳软雪
估唔到搬咗新铺之后依然保持水准，更比以前提升左之余，份量亦都相当大份，我哋叫咗个主菜、意粉、两个甜品再加一杯嘢饮一齐食
烧原只黑松露春鸡配薯条
一送到上枱，忍唔住哗一声，份量非常大份，将我只手拼埋落只碟度相等于巨型尺寸嘅春鸡，鸡皮外层系满满黑松露，用刀切开𠮶时听到外皮酥脆声，鸡肉入口软熟刚刚好，再连埋外皮一齐食带微微酥脆感，而且仲锁到肉汁，两重口感惹味又够香! 旁边嘅薯条亦炸得非常香脆，愈食愈停唔到口🤣
鸡肉冬荫忌廉烩扁意粉
鸡肉腌过再煎至金黄色，入口相当软熟，外层煎得干身口感微脆，但食落系软熟肉味香浓，不得不赞过冬阴功忌廉汁Creamy食到阵阵嘅冬阴功辣味香，大少少酸又带少少辣，扁意粉口感爽滑弹牙，拌埋个汁一齐食真系冇得输，私心必点推介🥰
士多啤梨麻糬配士多啤梨雪糕梳乎厘班戟
食完个主菜同意粉已经有七成饱，但系食甜品系第二个胃，卖相好吸睛，梳乎厘班戟口感软绵，蛋香味好重，连埋烟靭嘅麻糬皮一齐食几得意!
朱古力Oreo特浓5.0牛乳软雪糕芭菲
餐厅招牌嘅牛乳软雪糕净系卖相已经俘虏我个心，软雪糕外层洒满可可粉，入口相当软滑，牛奶味浓郁，入口感觉轻巧，底层仲有可可脆米同Oreo饼，超邪恶！
特饮叫左依杯宇治抹茶士多啤梨鲜奶配抹茶雪糕，饮落抹茶味浓郁突出，唔会太过甜，搞匀底部嘅牛奶同红豆蓉饮令整体味道层次更加提升，完美配搭☺️
整体而言，价钱、食物质素、份量全部成正比，性价比好高，份量比一般外边西餐厅大份，如果三五知己一齐share食最好不过，坐得舒服，服务态度好同细心
张贴
