HOME PASTA

营业中

休息中

呢間位於希慎11樓嘅 Home Pasta，主打平價意粉套餐。今次試咗午市意粉套餐，選咗「鮮茄德國腸茄汁雞肉小魚長通粉」，只需 $66，已包一杯冷泡蜂蜜綠茶，性價比相當高，係銅鑼灣區內少有抵食選擇。長通粉煮得恰到好處，唔會過腍，茄汁酸酸甜甜，味道自然唔膩。配料方面，德國腸鹹香彈牙，雞肉亦唔鞋口，小魚乾略帶焦香，為整體味道增添層次感。份量方面，午餐時段剛好，不會過飽，適合附近上班族快速用餐。冷泡蜂蜜綠茶清爽微甜，適合夏天解渴。不過Food court人流多，繁忙時段較難搵位，建議避開高峰時間。整體而言，以$66價位喺銅鑼灣食到有質素既熱食連飲品，值得回頭再訪。