綠怡咖啡廳

营业中

休息中

最近去咗北角海逸酒店嘅綠怡咖啡廳食自助晚餐，佢哋而家做緊25週年優惠，逢星期五、六、日同埋公眾假期，成人係買一送一，價錢係$886。.食物方面，即開生蠔同Movenpick雪糕係無限量供應，仲有汽水、橙汁、紅白餐酒同啤酒任飲。每兩位客人送一客瑞士芝士火鍋，真係幾好食。.熱盤選擇都幾多，有即煎鴨肝多士、清蒸鮑魚、葡式乳豬等等。凍海鮮就有鱈場蟹腳、凍蝦嗰啲。刺身同壽司都算新鮮。甜品選擇都唔少，特別推介朱古力心太軟同埋Movenpick雪糕。