一橋拉麵 (置富第一城·樂薈)

营业中

休息中

經營集團因為特別日子有舉辦折扣優惠，加上之前已經想試呢個品牌，特登過嚟試試。明顯地得廿個左右座位嘅一角，已經𠝹分到一個品牌座標，不得不佩服上市集團的規劃能力。奇怪的是，明明餐牌上接近所有產品都係用$0.9尾數作定價，但自助落單時全部見到係整數。唔係嗰1毫子嘅問題，而係既然餐廳講明唔收現金，點解仲要刻意做出一個咁奇怪嘅配置？自助落單去到付款一步，要輸入嘅資料比想像中複雜，即刻搵店員幫手落單嘅態度有禮貌，呢個原先唔值嘅加一變得抵俾。$60 海老濃湯叉燒拉麵 - 可以講用價錢衡量的話，個湯底已經值回票價，較為失色嘅係拉麵份量唔多，不足以食一碗拉麵就飽肚。$20 中華燒賣combo - 冇乜特別，唔試都冇大損失；3隻之中比較令人有記憶點嘅係醬油糯米，味道比較特別，麻辣就係大家都想像到嘅味道，海老豚肉清淡。如果再經開同品牌其他分店，會試試其他口味拉麵。