紅茶館 (已結業)

自南港島綫既開通後，各同事都係公司附近既站尋覓新野食！經同事既推介下，黎左試下紅茶館。望完餐牌後，被上面嘅美國自然豬所吸引！晏晝時間Set Lunch包餐湯(紅/白)、蒜蓉包、餐飲及甜品都只係$128，性價比高！跟餐仲可以揀配意粉、白飯或薯菜，雖然意粉份量唔多，但配咁大塊豬，以女士黎講已經好夠食！有同事揀咗配薯菜，薯條都好香脆，值得一試！而塊自然豬都算大塊同夠厚，燒得亦算靚。雖然佢厚，但都唔會韌，而仲有幾多肉汁！而隨碟亦會有黑椒汁/燒汁可以選擇，但個人認為，唔好將汁倒晒落塊豬到食會較好，因為就咁食已經好有佢本身既「豬」味！