金鳳大餐廳 (晴朗商場)

营业中

休息中

呢間金鳳喺啟德站附近，位於九龍城晴朗商場入面，呢間店舖比其他分店大，坐位舒適，食物質素亦好有水準。首先叫咗個帶子牛柳餐，五成熟配黑椒汁，仲加咗蒜茸，個牛柳好嫩，切開仲係粉紅色，肉質嫩滑，咬落去仲有少少血水，好juicy，帶子煎得啱啱好，唔會過韌，成個餐好滿足。另外就係貴族牛扒套餐，肉質一樣嫩滑美味，鐵板上嗰陣「咋咋」聲，份量十足，牛扒外層煎到微焦，入面嫩得嚟有肉汁，黑椒汁夠晒濃郁，好好味，而且兩個餐都有餐湯同餐包，羅宋湯夠晒多料，飲落好暖胃，而餐包加上牛油就帶著兒時回憶，感覺更美味。飲品叫咗咸檸檬雪碧，咸檸檬味夠晒出，解膩一流；仲有杯黑牛，可樂加上朱古力雪糕兩者味道平衡得好好，超正！服務方面，員工個個都好友善，反應又快，抵讚！總括來說，無論環境、服務和食物質素都令人滿意，而且價錢合理。如果你係牛魔王，又鍾意傳統港式扒房風味，金鳳絕對係個好選擇！