神戶日本料理 (已結業)

今日約咗喺大圍返工嘅朋友去神戶日本料理食個晚飯傾吓偈。🔅蟹肉海膽沙律沙律新鮮又清爽，好多蟹肉好鮮甜。海膽唔腥好鮮甜，沙律菜新鮮，加上沙律醋好開胃。🔅壽司盛有三文魚、帆立貝、赤蝦同北寄貝，款款都好新鮮，特別鍾意帆立貝，啖啖肉好鮮甜。點了幾款串燒試下🔅自家製免治雞肉棒口感好好，入邊有啲脆骨，再加上蛋液，滑嘟嘟好食🔅燒雞皮外脆內嫩，必點👍。🔅燒雞心就肉質鮮嫩，配上少少鹽已好食。🔅明太子雞翼雞翼外面脆脆，裡面充滿咗明太子嘅香氣，食完有啲令人意猶未盡。🔅清酒煮蜆清酒配蜆呢個組合冇得輸，味道清新，蜆肉嫩滑，湯底淡淡嘅酒香，飲落去好鮮甜。🔅牛肉壽喜鍋最後再嚟一鍋暖笠笠嘅鍋物，牛肉肉生生地，加上熱湯就食得，湯底甜甜地鮮，配上娃娃菜同金菇等，好正。