架勢廚房 (東昌街) (已結業)

最近公司開始多嘢做收工同朋友食飯嘅時間都冇，因為仲要攞啲嘢返屋企做，今日搭車經過呢度就順便買啲外賣返屋企。餐廳主要做外賣為主，不過都有吧枱比顧客堂食，食品種類非常多元化，台中日韓都有，而且學生重有 8 折優惠添。叫咗泡菜豆腐湯、日式燒牛柳配温泉玉子丼、夫妻肺片、惹味塔香鹽酥雞、自選涼菜拼盤。自選涼菜拼盤揀咗豬耳、牛展、豬大腸。每款份量都好多，配上自選嘅黑麻油汁，爽口又開胃。鹽酥雞沾上薄薄炸漿，油炸技術一流，酥脆而不油膩。夫妻肺片味道麻辣又鮮香，風味十足。泡菜豆腐湯非常足料，有雞蛋、粉絲、金菇菜等食材，而且仲會跟白飯，味道唔錯之餘價錢亦相當超值，唔錯嘅選擇。牛柳口感幼嫩多汁，肉味濃郁，再配上半熟嘅溫泉蛋令牛柳入口更滑溜。