有多款唔同價格嘅午市套餐可以選擇。
9
✨特上壽司（ 12貫·卷物一本） $560
🥗沙律
🥚茶碗蒸
沙律微酸開胃；茶碗蒸滑溜，入面仲有深海池魚、鮮蝦及三文魚籽～
🍣深海池魚、甜蝦、石𩶘魚、池魚、鱒魚、火炙深海池魚、螢光魷魚、鯖魚、竹籤魚、吞拿魚腩、海膽、玉子➕ 吞拿魚卷及干飄卷
深海池魚質感爽身，味道微酸，底下仲有鯊魚軟骨；甜蝦質感黏口彈牙，非常好食；石𩶘魚質感軟腍，底下放咗昆布；池魚肥美，配上梅醬及薑牙；來自北海道嘅鱒魚，入面加上柚子皮，味道較為清新；燒製過嘅深海池魚充滿魚油香，再加上酸汁、麻油調味。
已經切碎既螢光魷魚配上醋麵豉，非常特別，係出面好少見到；鯖魚配搭紫蘇葉、白昆布，微酸開胃；燒製過嘅竹籤魚，好香火炙味，再加上柚子胡椒調味；吞拿魚腩非常肥美，入口半融，好食～
海膽creamy鮮甜，非常好食；玉子香甜；卷物有兩款，分別係吞拿魚卷及干飄卷，吞拿魚卷配料包括淮山、紫蘇葉及吞拿魚蓉～
🥣麵豉湯及甜品
食完壽司，黎返碗麵豉湯暖胃就啱晒；而甜品就係綠茶雪糕紅豆餅或紫薯奶凍，我同朋友就一人叫咗一款share～
