犇殿台灣火鍋 (德福廣場1期)

营业中

休息中

星期六晚同老婆，姑姐及家姐4人即日book咗7點。本身餐廳有個推廣係北海道和牛餐買1送1, 不過去到時已經售罄。唯有揀$398澳洲M9和牛。M9牛肉的賣相及口感都係合格的，油花都算多，但當然唔可以同日本和牛比較。至於其他牛肉，美國Prime及Premium Angus只要時間控制得好，入口都唔會太過韌，小試無妨。其他QR code落的火鍋配料，海鮮類並唔係好新鮮，台式餃子大致上OK, 鐘意餃子的不妨幾樣試下。特長蟹柳較特別，魚片頭份量少可以試下。熟食方面，豬手好味。甜品方面，有百福豆腐花及Haagen-dazs，用餐當日有朱古力及Cookies and cream。總結一下食物選擇方面並唔係太多，而質素方面除M9牛肉較為滿意外，其他都只係一般。甜品有Haagen-dazs挽回分數。整體性價比一般。餐廳環境方面，雖然已經增設多部客動式冷氣，整體冷氣依然感覺不足，要有心理及身理準備。