味尖小廚

晏晝叫咗個生炒牛肉飯，飯有少少濕，不過味道算係可以，份量適中，湯就好鹹，午市套餐算係咁，唔期望有啲咩好嘅食品質素。
環境方面：裝修算係比較新，不過間廁所對著幾張檯，完全冇隔開。唔知近廁所嗰幾檯有冇味⋯
服務方面：今日一入到嚟，我見有位侍應收緊餐具，諗住落埋單，見佢仲收緊嘢諗住等佢收埋先，等咗幾秒佢收完跟住態度極差咁喝我「嗌啦」，完全冇晒心情，呢位侍應可能係老細，其他侍應又好似冇呢個問題。
第一次有咁嘅經驗，好少寫負評，唔會再食呢間，真係不了🙏