一入到去周圍有吉位，本來想搵人帶位但伙計人影都無個...咁我地就自己坐低，坐低之後都無人黎招呼...
跟住我地自己拿餐牌揀食咩，然後等左一陣先見到伙計走出來，我地先叫野食。
等野食時是一杯水都沒有人拿給我們..我覺得其實我地走左去都無人會發覺到我地。
然後飯到了...我地便問伙計可否給我們兩杯水，女伙計黑口黑面什麼都沒有說，過左一陣就掉兩杯水響檯面又係乜都無說....D態度真係差到不知所謂...
我地叫了SET LUNCH，有三文魚飯，飲品，前菜，湯和沙律，食物是很多，可惜味道一般。
朋友叫了一杯熱奶茶，沒有比糖我們，但伙計又是不見人影（經常在場內是沒有伙計在場的），最後我朋友自己走去搵伙計先拿到...
然後又見到女伙計是在傾電話...隔離檯既人叫左埋單，個女伙計係一路傾住私人電話，一路遞張單比隔離檯既客人，完全無講多謝幾錢幾錢，好似叫班客自己放Ｄ錢上去咁....我真係無見過咁樣既服務同工作態度。
最後我地埋單，也是找少錢比我地，明明店內客人很少，點解都會找錯錢又成日唔見Ｄ伙計（好似好忙咁）。
食物不是特別好食的話，這種態度真是不敢恭維，我跟朋友都說以後不會再來的了。銅鑼灣日本料理店何其多，何必要比錢受氣？
