永華日常 (利東街)

营业中

休息中

本身係舊客，差唔多個個星期都去一兩次，有時仲會去兩三次，食物OK，有時啲湯會鹹得滯。今日去到，侍應態度極差。有個前台阿姐，負責帶位，又負責order，又負責拎嘢食俾客人，完全唔識得點樣安排座位。餐廳前面有卡位又唔俾人坐，要人坐後面一張摺檯。摺檯嘅上方有一塊抹枱布同消毒劑，放喺客人頭頂一個角落，要攞塊布就喺客人頭頂拎。等到可以換位，需要改單又發晦氣，係個客面前揸爛張單，講左句，「妖，落咗兩個QR code即係要改單啦。」咩態度，咁唔滿意個客唔好做侍應啦。