老夫子港式餐廳 (已結業)

嚟過幾次，以往嚟親九展睇戲，都係睇戲前必到之選，事隔兩個月再嚟，服務態度奇差！我並唔係要求茶餐廳地方會有酒店級嘅服務，但可以令我全程無胃口，一絕！剛坐低睇緊餐牌就有職員埋嚟想落單，我睇都未睇完，同佢講轉頭先就黑口黑面！問攞茄汁好似要乞咁，第一次俾樽底嗰幾滴，再問就俾碟仔配給咁，茄汁咁貴架咩？其他餐廳都係成支擺低啦⋯⋯食物已經唔係特別出眾，貪佢好坐先會再幫襯，但以後情願坐KFC都唔會再嚟貼錢買難受！！