MX (新都城中心三期) (已結業)

美心平時果4個職員都服務超差，都容忍左好耐，今日等下午茶要成40分鐘，當佢執緊時聽到佢講車仔麵比錯人，就咁將公司三文治放埋一邊，我估呢set 係我嘅單，就走去問我手上號碼拎得未，佢先同我講車仔麵比錯人，果刻佢先叫廚房再整過，都離譜嘅，我唔問佢就唔叫廚房再整，唔會等返人地拎返落嚟咩，一句唔好意思都無，比錢佢哋賺好似要受佢哋氣，雖然食物比之前有進步，但係唔會再去買嚟食喔，相比起鄰近大快活嘅態度差好遠啦！