合時餐廳小廚

营业中

休息中

好耐無食大排檔喇！呢間有鑊氣而且上菜速度超快。薑蔥焗生蠔，生蠔夠大隻，略嫌配菜太少。蒜粒唔夠五粒！去大排檔食小炒王就知師傅嘅工架。呢個小菜王用上韭菜花、乾身炸香既土魷、鮮魷，銀魚仔、蝦乾（咸左小小）、菜甫（偏小）不錯！京都骨夠酸，而且朋友主動要求煮乾身，結果乾身得黎入面既肉仲係好juicy. 椒鹽賴尿蝦，唔好睇佢細細隻，有d 仲有膏添喎。而且肉質鮮甜，小小辣唔太咸！食到舐晒手指。叫左個脆豬手，呢個係最差既，皮算脆，中間有層油！肉就太乾身喇。可以唔試。之後加埋五支啤酒埋單！其實見到隔離枱都會去便利店買野飲。而且店家都好似無咩所謂。亦有人帶狗出黎食飯。晚市二手煙比較多。頂唔順既可以坐室肉。