拿坡里榴蓮芝士餅 (已結業)

放假同友人去咗油麻地呢間可以食到招牌“榴蓮芝士餅”嘅店舖，即叫即製 15分鐘就做好，由搓麵粉、發酵、製造餅底、焗製都係店舖入面一次過搞掂好，新鮮製作，配料份量滿滿，性價比高，物超所值必食 [ 爆漿榴槤芝士餅 $70 ] 榴槤芝士餅嘅榴槤用咗泰國金枕頭嘅果肉 + Mozzarella Cheese 製作而成，薄餅底微厚，餅面外皮酥脆，口感又咸又甜，切開後即爆漿，散發出陣陣榴槤香味，攞起一件有芝士拉絲嘅效果呢款 [ 雞肉粒芝士餅 $65 ] 餅皮薄脆，滿滿雞肉粒舖面，配合濃郁嘅芝士同新鮮嘅三色椒，餅底醬汁用茄汁，口感豐富又唔會太膩，食落真係好滿足邪惡到爆嘅 [ 芝士焗榴槤 $55 ] 及 [ 芝士焗粟米粒 $45 ] 淨係聞到香味已經忍唔住流口水，外層焗到金黃色，上層厚厚一層溶化嘅芝士焗得啱啱好，散發住濃郁芝士香味，啖啖榴槤肉滑溜；而粟米粒粒鮮甜，芝士配搭粟米好夾，口感滑溜好味餐廳：拿坡里榴蓮芝士餅地點：油麻地上海街139號地舖