燈籠滷味 (朗豪坊)

营业中

休息中

夜晚經過旺角，好想試吓燈籠滷味最近推出嘅期間限定「豐盛一人鍋」。餐廳裝修風格有台灣特色，背景音樂都係台灣流行音樂，霓虹燈下更台灣夜市氛圍。豐盛一人鍋一共有三款：麻辣鴨血鍋、師大燈籠滷味鍋、阿嬤古法羊腩鍋。朋友揀咗師大燈籠滷味鍋，呢個鍋配料非常豐富，包蜂巢牛肚、蹄膀、大腸、白蘿蔔、大豆皮、時令蔬菜。一人鍋熱辣辣又抵食，而且套餐仲跟精選飲品同米飯，非常滿足。另外我哋仲揀咗個自選滷味，可以自由配搭滷味同米線或者其他粉麵。我揀咗米線、鵪鶉蛋、花枝丸、大豆皮和白蘿蔔。最鐘意米線夠爽滑，鵪鶉蛋入味，花枝丸Q彈，加上大豆皮充滿豆香味，大大碗夠晒滿足！鹽酥雞金黃香脆，沾上美乃滋更惹味！