八居酒屋 (天文臺道) (已結業)

想食吓啲香口嘢，所以喺尖沙咀天文臺道搵咗間串燒食兩個人叫咗個壽喜燒牛肉鍋，然後先叫啲串燒食吓。壽喜燒嘅牛肉好腍好嫩口，入邊仲有豆腐蔬菜平衡返。之後就叫咗幾串串燒，試吓大蔥雞肉，雞肉夠新鮮咬落入邊唔係粉紅色急凍肉嗰隻。店舖用燒爐即叫即燒上枱都熱辣辣，而且加埋醬汁好香好夠味！仲有芝士年糕串燒，雞皮串燒，醬汁廣島蠔串燒。全部即叫即燒，而且好入味，仲香噴噴添！芝士年糕串燒燒到熱辣辣入邊勁香芝士味外脆內軟，非常之特別！！！！店舖有一個$88嘅套餐，可以叫三個串燒再加嘢飲。另外又有酒精飲品任飲一個鐘$98平時happy hour嚟呢度飲幾杯再叫啲串燒送下酒吹吓水都幾抵！可以減梅酒日本清酒啤酒等等都幾多元化。