湄南.河泰式船麵 (已結業)

今日去左千色匯食泰國菜—＞湄南.河泰式船麵聽店員話佢地呢邊最出名既就係船麵，所以就當然要試一試；所以最後揀左個２人泰北風味餐，入面包左：２份主食：泰式肉碎煎蛋飯同埋豬頸肉船湯河，２份小食：泰式酸辣鳳爪沙律同單骨雞翼仲有甜品：椰汁糕；同埋兩杯飲品：青檸梳打水。食物方面：豬頸肉船湯河有一大份既豬頸肉，肉質好嫩滑，加上秘製既甜酸醬，味道一流，十分配搭。而泰式肉碎煎蛋飯既份量亦都十足，肉碎無想像中咁辣；反而泰式酸辣鳳爪沙律有驚喜：酸酸辣辣，非常開胃，份量十足而且鳳爪骨軟到可以食埋。然後就係單骨雞翼，炸得十分香脆可口，加埋炸香蒜，更加香口。最後就係青檸梳打水：梳打水係泰國醒獅牌玻璃樽梳打水，倒出黎足足有兩杯咁多。裝住冰既杯入邊有一片青檸同埋青檸汁，加埋梳打水後，酸度直衝味蕾。