豬腳小姐

营业中

休息中

『香港美食』對於食肉獸的我黎講，韓國豬手真係無敵，上次去韓國滑雪食左間好好食的豬手，即刻愛上；最近無得飛，見到香港開左韓國非常有名的豬手小姐，仲要成日排隊，咁多人食，即刻想試下，我大概6點開始排隊，基本上咁早都唔使點排，只要齊人就入得，但有因為好多人等朋友未入得先6點就要排隊。入到去，店員同我地解釋2人餐份量比較多，如果胃口較細建議散叫，散叫都一樣有哂成盤前菜及沙律，聽完我地都係決定叫2人餐；上菜速度係超快，基本唔使點等，成盤出現，見到都覺得正，我地揀左蒜泥版，不過重口味的我覺得佢的蒜咪唔算好濃，但豬手好食，唔係淋哂，好溶的口感，佢比較厚切，有少少咬口，但唔難咬開！佢個2人餐送蒸蛋，但個蛋我覺得普通，無咩味，但佢的前菜好食，我鐘意個海草沙律，個樣好似炸米粉咁，但口感好爽，好好味，整體我覺得幾好，店員都有禮貌，但下次2個女仔真唔使叫餐，要個中豬手都夠！