性價比好高！
係近期食過比較滿意嘅一餐！
基本上每款菜式都好味道
服務超級好
仲可以book房
免開瓶費
佢嘅玩法係幫你寫菜單
Book房嘅話，大概10人左右，$500-$600一位嘅菜單
其實佢哋都好flexible , 冇話一定要幾多錢點樣
又唔使要你落訂金
成個感覺好舒服
但係我唔肯定坐出邊人少嘅話係咪都係寫菜單，定係自己叫餸。
定位嘅時候，可以問吓。
我嘅菜單；
清酒鵝肝✨黃金豆腐，清酒醉鮑魚，順德煎魚餅✨桂花陳酒蜜叉燒✨八寶冬瓜盅，醬皇安燒方利✨雞油花雕蒸肉蟹（配生麵）✨菌皇脆炸雞✨上湯孫子浸莧菜，淮陽炒飯，十勝砵仔糕
全部嘢都好味，又大碟，蟹仲俾兩隻！
我自己最鍾意就係上面打星星嗰幾款，特別係鵝肝，叉燒，煎魚餅，方利，同埋蟹！叉燒好正，方利第一次食，好香口！鵝肝超級creamy! 魚餅好好食，我食咗兩舊😆類似係顯解鯪魚球嘅魚餅版。
菌皇炸雞，下面真係有一咋菇菌，好正！
雞油花雕撈埋啲麵好正，不過我個人喜好會鍾意配河粉，或者陳村粉嗰類多啲。反而佢哋好似係招牌菜嗰個安格斯牛，我就覺得一般。
所有朋友食完都話好想encore!
一席10位 $5380
抵！
Rating : 9/10
1
