M.A.D. (已結業)

Item: M.A.D.
Rating: 3
Author: happyduckling

6 食记

味道

环境

服务

卫生

抵食

141

黄竹坑

$51-100

港式多国菜

happyduckling

等级4

136

搬到來黃竹坑上班已有一段日子，雖然與觀塘同樣是已經式微的工廠區，但觀塘附近有民居，因此好多工廠大廈樓上單位成功轉型成為各式各樣的餐廳，既有工廠寫字樓的午市生意，也有觀塘居民的晚上生意；部份口碑好嘅餐廳，星期五及星期六晚經常爆滿。反觀黃竹坑一帶附近完全冇住宅大廈，廠廈樓上單位的餐廳數量也非常少，皆因晚上冇生意、很難生存。秋冬季節還可以步行10分鐘出去香港仔食晏，又悶熱、又潮濕的夏天就只有附近幾間工廠飯堂及熟食中心可供選擇。一直努力尋找新的開餐地點，前幾天聽見朋友介紹原來有一間從來沒有去過的廠廈樓上餐廳，一於就去試一次。「M.A.D.」位於廠廈極高層，門口是典型工廠大廈單位間隔，裏面是一個叫做寬敞的等候區，已經有10多人在排隊買飯食。等候區正中位置甚至放了一張矮茶几，上面擺滿雜誌，客人可以自由取閲。左手邊的佈置相當有心思，有點似一間非常舒服的樓上咖啡室。「M.A.D.」這個名字應該有點意思，是什麼呢？等候區的正面就是餐廳廚房，所有客人都要排隊入去裏面買餐。除了貼在牆壁上面的幾款是日午餐之外，尚有車仔麵 ⋯⋯ 雖然餐廳並沒有稱之為車仔麵，但落單形式如出一轍。唔好講笑，食了幾十年車仔麵，由真真

搬到來黃竹坑上班已有一段日子，雖然與觀塘同樣是已經式微的工廠區，但觀塘附近有民居，因此好多工廠大廈樓上單位成功轉型成為各式各樣的餐廳，既有工廠寫字樓的午市生意，也有觀塘居民的晚上生意；部份口碑好嘅餐廳，星期五及星期六晚經常爆滿。反觀黃竹坑一帶附近完全冇住宅大廈，廠廈樓上單位的餐廳數量也非常少，皆因晚上冇生意、很難生存。秋冬季節還可以步行10分鐘出去香港仔食晏，又悶熱、又潮濕的夏天就只有附近幾間工廠飯堂及熟食中心可供選擇。一直努力尋找新的開餐地點，前幾天聽見朋友介紹原來有一間從來沒有去過的廠廈樓上餐廳，一於就去試一次。

「M.A.D.」位於廠廈極高層，門口是典型工廠大廈單位間隔，裏面是一個叫做寬敞的等候區，已經有10多人在排隊買飯食。等候區正中位置甚至放了一張矮茶几，上面擺滿雜誌，客人可以自由取閲。左手邊的佈置相當有心思，有點似一間非常舒服的樓上咖啡室。「M.A.D.」這個名字應該有點意思，是什麼呢？

34 浏览

0 赞好

0 留言

等候區的正面就是餐廳廚房，所有客人都要排隊入去裏面買餐。除了貼在牆壁上面的幾款是日午餐之外，尚有車仔麵 ⋯⋯ 雖然餐廳並沒有稱之為車仔麵，但落單形式如出一轍。

唔好講笑，食了幾十年車仔麵，由真真正正的街邊推車仔檔、食到今時今日差不多全部入鋪，第一次見到英文版的車仔麵選擇單。冇辦法，要配合附近客源：黃竹坑工廠區有很多外國時裝及傢俬品牌的寫字樓，所以也有相當多外籍員工。亦可能因為這個原因，車仔餸說是非一般的車仔餸，沒有經典的豬皮、豬腸、酸齋，反而多了新加坡魚蛋、雲吞、魚肚、花膠筒等等。

162 浏览

0 赞好

0 留言

右手邊是相當大的用餐區，典型工廠大廈建築設計，其中一邊是一排無間斷玻璃、樓底又夠高，加上餐廳位處高層，附近又冇高樓大廈；陽光非常充沛。雖然裝修簡陋，但空間感非常寛敞，不失為一個舒適的輕便用餐環境。

廚房出餐非常慢，排隊俾錢後要先自行搵位；然後等一陣間（由於沒有顯示牌，時間要自己估），再走回廚房自己捧餐。廚房太細，實在沒有空間容納洗碗碟部門，碗筷全部都是即棄式；但餐廳又願意花費金錢訂製全黑色、印有自家餐廳名字的硬身紙碗，感覺有點怪怪的。麵底揀出前一丁（$10，加罐裝汽水 $8），車仔餸揀了咖喱魚蛋（$11）、鮮蝦雲吞（$13）、豬紅（$11）及牛腩（$16）。

90 浏览

0 赞好

0 留言

那個特別訂製的硬身紙碗其實都幾細個，有點似中號杯麵，大概是1.5～2 個港產「合味道」的大小，但已經連餸、包湯、包麵，所以根本沒有俾足一個出前一丁的份量！車仔餸的價錢與其他茶餐廳比較都算幾貴，而份量又唔係特別多。

再講味道，湯底叫做比較特別，共有四款選擇（香濃魚湯、詩風清雞湯、辛辣湯及出前一丁味粉湯）；揀了香濃魚湯，但只有淡淡魚味，有啲失望。至於餸菜，更加唔見得出眾。咖喱魚蛋只得三粒，沒有明顯香辣咖哩味。豬紅雖然未至於一夾就散，但也不夠煙韌，做唔到靚豬紅的質感。牛腩切細粒，既沒有香濃柱侯腩汁、也炆得唔夠軟腍；但已經係自稱的主打車仔餸。鮮蝦雲吞算比較好食，餡料有鮮蝦、豬肉，也食得出有大地魚蓉，味道相當正宗，但 $13 只得三粒，計起上來要 $35 八粒，同外邊普通一間粥麵專門店的淨雲吞價錢差不多，似乎唔係好合理。