明記打冷 (已搬遷)

以前起寶石樓成日見佢高朋滿座，冇機會試到，可能人太多 又嘈又阻街比人投訴結果搬了，今晚七點左右行過見仲有位所以入去試下，我們一行四人 點了招牌蠔餅 咕嚕雞球 啫啫生菜煲，起點菜期間出了一些搞笑野，就是幫忙落單的阿姐竟然唔知咩叫做咕嚕雞球，仲問左我們幾次最後要比個菜牌佢先知有這味餸，但最後她補了一句唔知有冇架，要問問廚房先，真係啤一聲。但其實可能我們錯怪了阿姐，如果我們相信她 冇這味餸咁我們就唔會叫 咕嚕雞球我們真係 咕碌。雞肉真係好差切得又薄，真係唔知雞球定雞柳。拆招牌蠔餅 薄薄的蠔餅硬硬的餅邊同餅底，要用力才可以分開蠔餅，蠔仔細粒冇蠔冇鮮味又乾，似是炸過龍魚露又咸，呢個係我食過第二難食的蠔餅，最難食是 小王牛肉麵，但如果以打冷來比較，呢個呢係劣劣劣,仲敢叫招牌 個招牌真係比呢味餸拆左，啫啫生菜煲算是在合格之上，不過可能是我們點錯餸啦，眼見店內有很多打冷的餸菜都好吸引，好定差唔敢講因為未試過，但蠔餅都算是打冷仲要係招牌，可以差成咁。