影片
更多
2011-01-19
64 浏览
之前，我幫襯過 Seasons Cafe ，覺得呢度寧靜舒適，嚟慶祝朋友生日，相信大家會滿意！我身為是次活動攪手，發 e-mail 俾班朋友，連同 2010-12-29 嘅食評，好讓大家對呢度環境及食物質素有個 Idea 。我提早兩日 book 定枱，總數 6 位。星期日晚大約 7:00 上到去，原來當晚只得我哋 6 位食客，真係好呀！ 大家可以傾得盡興！晚餐有 6 款選擇，有飯、意粉。由 $58 ~ $88 不等。我及3 位朋友選擇：錫紙焗百里香雜菌雞 配扁意粉 $68由於要焗，等大約 20 分鐘。用上錫紙焗雜菌及雞，可保持雞嘅嫩滑，有心思！ 雜菌包括蘑菇、秀珍菇等，夠入味！真不錯！扁意粉份量都唔會太少，仲好香蒜蓉味，只係咸咗些少！2 位朋友選擇：菠菜汁雜菌煙三文魚意粉 $72先要一讚賣相吸引，可見師傅好俾心機做好呢碟意粉。放入意粉後，加上菠菜汁，小心翼翼放埋煙三文魚，有層次。 不過，朋友覺得淡味咗少少同埋唔太夠熱。飲品：榛子朱古力、薄荷朱古力、芒果茶...我飲咗榛子朱古力，有拖肥味，可以唔加糖都夠甜，算唔錯！藍苺芝士蛋糕 +$15芝士味夠濃，加上藍苺醬，軟硬適中；比較上次食到嘅朱古
我身為是次活動攪手，發 e-mail 俾班朋友，連同 2010-12-29 嘅食評，好讓大家對呢度環境及食物質素有個 Idea 。
我提早兩日 book 定枱，總數 6 位。
星期日晚大約 7:00 上到去，原來當晚只得我哋 6 位食客，真係好呀！ 大家可以傾得盡興！
晚餐有 6 款選擇，有飯、意粉。由 $58 ~ $88 不等。
我及3 位朋友選擇：錫紙焗百里香雜菌雞 配扁意粉 $68
由於要焗，等大約 20 分鐘。用上錫紙焗雜菌及雞，可保持雞嘅嫩滑，有心思！ 雜菌包括蘑菇、秀珍菇等，夠入味！真不錯！扁意粉份量都唔會太少，仲好香蒜蓉味，只係咸咗些少！
2 位朋友選擇：菠菜汁雜菌煙三文魚意粉 $72先要一讚賣相吸引，可見師傅好俾心機做好呢碟意粉。放入意粉後，加上菠菜汁，小心翼翼放埋煙三文魚，有層次。 不過，朋友覺得淡味咗少少同埋唔太夠熱。
飲品：榛子朱古力、薄荷朱古力、芒果茶...我飲咗榛子朱古力，有拖肥味，可以唔加糖都夠甜，算唔錯！
藍苺芝士蛋糕 +$15芝士味夠濃，加上藍苺醬，軟硬適中；比較上次食到嘅朱古力口味更好！
张贴
