天松屋 (已結業)

今日兴起行落葵芳食中午饭, 间餐厅邻近学校区, 一到中午时间有大量附近学校嘅学生帮衬, 顿时成为学生饭堂。今次我叫咗个关西吉列咖哩猪扒饭, 套餐连埋味噌汤, 合共52元, 唔使收加一服务费。碗饭卖相相当吸引, 店方系以一个特大嘅满盛载住啲饭同吉列猪扒,咖哩汁占咗成碗饭八成位置, 饭嘅份量相当多, 吉列猪扒都有成七块咁多。 而味道方面, 咖哩汁 唔系好辣, 块吉列猪扒同坊间食肆嘅有好大分别, 呢间铺啲猪扒冇乜油溢味, 猪扒上枱仲系好爽脆可口, 应该系即叫即炸, 新鲜即做!味噌汤味道尚算可以, 材料有豆腐、 葱花等。总括嚟讲呢间铺啲物价都算系价廉物美唔怪之得有咁多学生哥嚟帮衬啦！