紅椒力量

营业中

休息中

今日去咗红磡揾朋友，夜晚嚟到呢间茶记食dinner。是日晚餐我成六款选择，可以自由搭配，亦有其他set拣，出边比较少见。第一款可以拣豆豉/菜远/凉瓜配牛肉/肉片/排骨配白饭/炒河/炒面。我哋要咗凉瓜排骨炒河。凉瓜同排骨嘅份量比想像之中多。凉瓜苦苦地，排骨几嫩，煮得够淋身。炒河好挂汁，惹味又唔会口渴，整体搭配好match，而且都只不过要$68，连埋餐汤再加嘢饮。好抵食。第二个要咗福建炒饭，好耐冇食啦。炒饭炒至粒粒分明，蛋香味好出，有惊喜。上面嘅配料舖到好满，样样有齐，有咬口，可以按照个人喜好选择捞几多饭变湿饭，唔够饱仲可以加饭，正。最后要埋清炒菜心，够新鲜而且几爽。汤都唔错，有罗宋汤同粉葛猪骨汤，一中一西，又热又够味。