紅橋 (已結業)

同阿女去花园街买嘢，经过红桥餐厅，见到门口餐牌精选套餐好抵食，咁啱我哋未食晚饭，一于入去食返餐！套餐有前菜、餐汤、主菜、热饮。用QR code手机点餐好方便。前菜系巴拿马火腿杂菜沙律，沙律菜新鲜够爽甜。忌廉蘑菇汤，口感顺滑，味道浓郁。黑松露忌廉汁海虾带子烩意粉，海虾大只爽口鲜美，还有好多带子粒，黑松露忌廉汁，香浓惹味，用来伴意粉十分美味！ 凡惠顾主食或套餐可以优惠价食小食，蜜椒单骨鸡翼，鸡翼皮脆肉嫩，沾满蜜汁甜甜的，越食越好味！餐汤除咗西汤，重有中汤选择，节瓜汤够火喉，足料香甜。西班牙汁芝士鸡扒焗饭，鸡扒超大块，肉质鲜嫩，芝士多到可以拉丝，西班牙汁伴饭好惹味！经典红豆冰，红豆够多又林甜。奶茶红豆冰，多咗奶茶香味。