MYC CAFE (已結業)

長沙灣愈開愈多靚cafe❤️依間新開仲要平靚正！五十幾蚊有意粉、湯、飲品，而家真係好難搵。牛油果他他吉列魚堡，魚柳大大塊，大過手掌嘅size，食落香脆軟滑仲好juicy，醬汁有番茄、椰菜絲同沙律醬混合，但略嫌唔太食到牛油果味。配菜薯條即叫即炸，份量唔少，好香脆，外脆內軟。香草汁大蝦扁意粉，炒得好香，有啲黑椒好夠味，蝦大大隻，彈牙，唔會有雪藏味。跟餐有南瓜濃湯，好香濃但略嫌南瓜味淡咗啲。飲品揀咗接骨木花茶，好少地方有仲要唔洗加錢👍🏻好香，飲落有淡淡蜜糖味，但都唔會太甜。仲有幅花牆啱晒打卡，趁住新開未係好多人發現就好去食啦🤣🤣