拉麵將軍 (已結業)

喜愛食拉麵嘅我，自從經過呢間平價拉麵店，已經一直想試，可惜上次佢廚房維修無開，今次再黎終於有得食了。午餐38蚊有一碗拉麵，可以加錢加小食及飲品，非常抵食。原本想食豬軟骨，可惜已經售罄，唯有轉叫吉列豬扒拉麵，吉列豬扒即叫即炸，上檯時熱辣辣，外皮炸得算脆，但可惜有點乾身，而且比較細塊，拉麵唔會煮得太淋，豬骨湯味道一般。加8蚊有三隻餃子，餃子炸得香脆，餡料肉汁算多，但略嫌油膩，同埋上檯時已經淋咗餃子汁，建議餐廳可以分開上，可以俾客人揀落唔落汁。總括黎講，雖然呢間拉麵舖較平凡，但唔駛50蚊有拉麵有小食，算唔錯架喇。