八珍鮮 (已結業)

咁岩係附近，叫左份水煮鮮魚片$68外賣盒+$2，等緊既時候見到好多人食，心諗應該唔差，有少少期待。拎個陣見到外賣份量好足，一大碗水煮魚，一打開紅噹噹，有勁多辣椒，底有大量芽菜，魚既份量都好足夠，魚片好滑，口感唔錯，差唔多有成十幾塊，一個人午餐一定夠食。但味道一般，個人認為唔夠味，唔辣唔麻唔香，得個油字，就好似食緊油浸魚咁。只能夠話幾抵食，但唔會再食🤔或者有機會既話下次試下其他野，但水煮魚本人真心不了。