影片
更多
2014-08-19
1979 浏览
这日要到城大出席一啲活动，今晚屋企无饭开，食自已，最好顺便晌又一城食埋先走。唔想晌顶层美食广场食，一支公食嘢可以好「求其」，亦唔会「求其」到揾老麦，卒之就悠闲咁晌利华食番餐。又一城揾食一向唔平，好食价位唔高嘅就一定排长龙，所以，好似奥利华依类有啲质素，中上价位「快餐店」就经常坐满人。不过，嚟得依度嘅，快上快落，甚少客会晌度打长趸。形式真喺跟快餐店无异，只喺排队落单后有店员为客人奉上食物。一列餐牌4大类套餐：焗薯、三文治、意粉 / 沙律、至尊三重奏（即喺多少少特色，个汤又升级咗高档少少）。前3者可以散叫，亦可以配餐饮成为套餐，又或配汤连餐饮成为超级套餐，至于最后者「三重奏」就一定喺汤、主菜、餐饮嘅既定组合。睇完一轮，拣咗至尊三重奏嘅G4餐，星级是日精选餐汤、扁意粉、illy咖啡，都只喺卖$66。忌廉龙虾汤是日嘅星级精选餐汤喺橙红色嘅龙虾汤，质感唔错，稀杰度都差唔多，入口亦有龙虾嘅香味，不过，咁嘅价钱又咁嘅组合，就咪期望有龙虾肉，至少小弟依碗就唔见啦，或者好彩嘅有一旧半旧都未定。挪威烟三文、蚬肉扁意粉配刁草忌廉汁依个意粉可以散叫，$46一客，晌意粉套餐中加餐饮定价$54，加汤连餐饮则定价为
又一城揾食一向唔平，好食价位唔高嘅就一定排长龙，所以，好似奥利华依类有啲质素，中上价位「快餐店」就经常坐满人。不过，嚟得依度嘅，快上快落，甚少客会晌度打长趸。
形式真喺跟快餐店无异，只喺排队落单后有店员为客人奉上食物。一列餐牌4大类套餐：焗薯、三文治、意粉 / 沙律、至尊三重奏（即喺多少少特色，个汤又升级咗高档少少）。前3者可以散叫，亦可以配餐饮成为套餐，又或配汤连餐饮成为超级套餐，至于最后者「三重奏」就一定喺汤、主菜、餐饮嘅既定组合。
睇完一轮，拣咗至尊三重奏嘅G4餐，星级是日精选餐汤、扁意粉、illy咖啡，都只喺卖$66。
忌廉龙虾汤是日嘅星级精选餐汤喺橙红色嘅龙虾汤，质感唔错，稀杰度都差唔多，入口亦有龙虾嘅香味，不过，咁嘅价钱又咁嘅组合，就咪期望有龙虾肉，至少小弟依碗就唔见啦，或者好彩嘅有一旧半旧都未定。
挪威烟三文、蚬肉扁意粉配刁草忌廉汁依个意粉可以散叫，$46一客，晌意粉套餐中加餐饮定价$54，加汤连餐饮则定价为$60。卖相就麻麻哋，「快餐店」质素，犹幸味道方面又令人觉得不俗，烟三文及蚬肉就唔太多，不过扁意粉份量不少，捞匀个刁草忌廉汁，扁意粉少少咬口，忌廉汁又几香滑，合格有余！
illy咖啡话晒illy都喺出名嘅意大利咖啡品牌，无乜理由仲饮柠茶柠水，当然喜好问题就当为别论啦。虽然只喺杯普普通通嘅即磨咖啡，但咖啡香味嚟得幽香醇厚。
并非如大部份客人咁，匆匆食完就匆匆离开，今晚虽然只喺孤身一人，但全无孤单嘅感觉，反而让自己可以独处静思。
张贴
