爭鮮迴轉壽司 (已結業)

放工同男朋友去荃湾颓食晚餐，好彩今日唔洗点等位安排我坐细区，食物选择好少，望住人地果边玻璃刺身系我一定会食既，$8三块唔系好贵，品质都唔差，起码食落去无腥味，肉质几爽口。带子寿司得一粒带子，而且唔算大粒，食落感觉唔系好新鲜，有dd「鞋」。中华沙律好开胃，酸酸地又几脆口海胆混合左鱿鱼，味道甜甜地，不过唔系好食到海胆既甘香味，口感几爽！呢个第一次见，唔知叫咩名，不过食落去几唔错，非常有口感，有少少清甜。