溫莎餅店 (已結業)

之前路過睇見有雞蛋仔賣,又唔係貴,應該話平先啱,幾蚊就買黎試下
由於新鮮出爐,到口都仲係熱辣辣(我以前都以為雞蛋仔新鮮係必然,可惜...)
第一粒,冇咩味,因為真係太熱;
涼返少少再黎,吾~咸味?!咩事,食多粒,都係甜中帶咸,應該係牛油咸味
食落亦有雞蛋仔香味,唔係麵粉,甚至化學香精味(深水埗某檔)
口感方面,連接位好脆,但唔硬
雞蛋仔本身部分外層有少少脆,而內層比較有涵,但唔係死實,唔似某d得個殼
講真,作為雞蛋仔,未必算好好,始終唔係外脆內軟
但當一口牛油雞蛋糕,反而算高分之作