櫻井屋 (已結業)

我呢種中年師奶最鍾意就係去葵涌廣場搵嘢食，就係貪呢度啲嘢又平又多款式，今日就去咗呢間櫻井屋，食平價日本嘢。呢度賣嘅日本拉麵，$48就有交易， 我叫嗰個就係黑蒜豬骨拉麵，配料包括海草碎、筍片、京蔥、青蔥、木耳、粟米、紫菜、牛油、鳴門卷、溏心蛋、叉燒。碗麵大大碗，啲材料都食得出係好貨，個糖心蛋好入味，叉燒又夠金香，好好味。除咗食拉麵之外呢度仲有各種各樣嘅日本嘢食 我又叫咗三文魚腩壽司 三文魚腩壽司啲三文魚腩好肥美好好味 仲叫咗串燒牛舌、串燒牛柳粒，啲串燒就一般一般，唔算得上好食，亦都唔算得上係難食，不過價錢就夠曬經濟實惠。