山謙

同同事喺天水圍工作，晏晝咁啱要食嘢嘅時候，諗起中學運動會嘅時候成日過嚟新北江食嘢。好掛住新北江嘅食物，今次行到巷仔入邊，見到呢間平價日式拉麵店。

睇完佢啲餐單，覺得食物都幾正又平！

今次嘅食物叫左：
1）吉列豚肉拉麵🍜（$49）濃縮芝士辣湯底
2）照燒雞扒拉麵🍜（$49）濃縮芝士湯底

2碗拉麵都係同様價錢！濃縮芝士其實就係上面放咗一塊芝士，等佢慢慢溶入湯底度。
湯底本身都係豬骨湯，我嗰份就加埋辣！
湯底都好飲嘅，加上拉麵煮得啱啱好，所以都要讚嘅！

吉列豚肉同照燒雞扒，我兩樣都有試，我推薦吉列豚肉多啲！好食😋會配埋沙律醬😽

食物評分：⭐️⭐️⭐️⭐️
環境：⭐️⭐️⭐️⭐️（預咗會有少少迫）
回訪度：⭐️⭐️⭐️⭐️⭐️

吉列豚肉拉麵

$49

照燒雞扒拉麵

$49