更多
2022-08-03
448 浏览
本身系住附近, 都知道Myth House开左一段时间, 谂住咁近就等无咁多人先去试啦, 而早排有电视节目黎取景, 而我妈正正就系「蛋白粉」加上佢好少女心钟意打卡, 就一于黎呢度补祝番母亲节饭~~几日前于whatsapp订位, 想俾妈咪影下相就book左outdoor…点知当日比预期中热! 好在有风机同Cover, 但仍然强烈建议大热天时坐indoor,不过亦因为大晴天, 影相又真系靓d既, 真系好在心机为整幢建筑及周边装饰, 黎远睇已经好eye-catching!Set Lunch有5款选择, 唔同菜式唔同价钱, 都系包左前菜、主菜同餐饮。流浮山鲜虾滑饼 配 酸菜菠萝莎莎。咕噜甜酸泡泡侍应好推荐呢款, 话系用当地食材去整呢道菜, 就即管试试, 我初初想像到系泰式虾饼咁, 但上碟时就知自己谂错晒, 摆盘好靓, 成件事好粉红色~~ 鲜虾滑饼好弹牙, 加上酸菜同咕噜分子, 食完好开胃!是日餐汤 – 西洋菜忌廉汤其实妈咪本身麻麻地西汤, 本身听到系忌廉汤就谂住拣沙律算, 但再听到系西洋菜忌廉汤就话好好好, 睇黎钟意西洋菜既妈咪都无谂过可以变成西汤, 饮落虽然西洋菜味无平时中汤咁浓, 但多左
几日前于whatsapp订位, 想俾妈咪影下相就book左outdoor…点知当日比预期中热! 好在有风机同Cover, 但仍然强烈建议大热天时坐indoor,
不过亦因为大晴天, 影相又真系靓d既, 真系好在心机为整幢建筑及周边装饰, 黎远睇已经好eye-catching!
Set Lunch有5款选择, 唔同菜式唔同价钱, 都系包左前菜、主菜同餐饮。
流浮山鲜虾滑饼 配 酸菜菠萝莎莎。咕噜甜酸泡泡
侍应好推荐呢款, 话系用当地食材去整呢道菜, 就即管试试, 我初初想像到系泰式虾饼咁, 但上碟时就知自己谂错晒, 摆盘好靓, 成件事好粉红色~~ 鲜虾滑饼好弹牙, 加上酸菜同咕噜分子, 食完好开胃!
11 浏览
0 赞好
0 留言
是日餐汤 – 西洋菜忌廉汤
其实妈咪本身麻麻地西汤, 本身听到系忌廉汤就谂住拣沙律算, 但再听到系西洋菜忌廉汤就话好好好, 睇黎钟意西洋菜既妈咪都无谂过可以变成西汤, 饮落虽然西洋菜味无平时中汤咁浓, 但多左份香滑, 都几好~~
9 浏览
0 赞好
0 留言
香煎纽西兰比目鱼 配 川椒剁椒汁 (Lunch Set $208)
呢道菜系我当日最欣赏, 叫果时已经觉得好fushion, 上碟时用煲仔上又几得意, 妈咪话可以keep warm耐d。比目鱼系煎香左, 鱼皮仲有少少脆口, 但鱼肉仍然好嫩滑唔老, 川式剁椒汁未至于好辣, 但同个鱼好夹!
6 浏览
0 赞好
0 留言
而最surprise既系比目鱼底系薯蓉, 吸晒鱼油同辣汁, 超好食!
8 浏览
0 赞好
0 留言
蟹肉手工扭扭粉 配 忌廉黑松露酱。黑松露羊奶芝士片 (Lunch Set $198)
之前睇OP MENU 见到有腐乱羊架, 好想试, 但MENU系会from time to time转, 好在有我至爱既蟹肉, 而黑松露亦系我钟意既, 一定拣呢个扭扭粉啦! 虽然无比目鱼咁抢focus, 但都煮得好creamy, 上碟时劲香! 而扭扭粉比平时意粉有咬口, 都几饱肚~~
8 浏览
0 赞好
0 留言
餐饮方面都系叫普通柠茶咖啡, 唔多作介绍, 但天气好妈咪想坐多阵就问埋今日有咩是日甜品, 一问之下原来有Hidden Menu -- 椰子清汤雪耳, 心谂咁中式既? 侍应话唔系普通糖水黎架, 系做到好似大菜糕咁...又咁岩妈咪系钟意椰子同雪耳, 就叫呢款啦!
呢度d菜色未见样, 已经令人有满满既好奇心, 见到样未食入口就更新好奇。个presentation系一杯仔咁, 好fresh好消暑咁款, 的确食落有d似大菜糕既texture, 大概系椰青+少少香茅味+雪耳, 味道系好清新, 可以balance番主菜既浓味~~
4 浏览
0 赞好
0 留言
成餐饭无论视线上同味觉上都有唔同既冲击, 最重要系妈咪表示好满意! 睇黎下次屋企再有大时大节既饭局就会再黎呢度~~
张贴